Ապրիլի 26-ից մայիսի 4-ը Արեգնազանի անգլերենի ուսուցիչներ Անի Միրզոյանը և Զարինե Հովհաննիսյանը գտնվում էին Անգլիայում: Նրանք այցելեցին Անգլիայում գործող վալդորֆյան դպրոցներ:
Ֆորեսթ Րոուի Միքայել Հոլլ դպրոցը, որտեղ մեր ուսուցիչները դիտեցին բազմաթիվ դասեր տարբեր դասարաններում, հանդիսանում է Անգլիայում հիմնված վալդորֆյան մանկավարժության առաջին դպրոցը: Այցի շրջանակներում նրանք ունեցան դասալսումներ տարբեր դասարաններում, փոխանակեցին աշակերտների՝ իրար հասցեգրված նամակները, հաստատեցին կապեր տարբեր դպրոցների հետ:
Լոնդոնում գործող Ս. Միքայել Շտայների դպրոցի հետ պայմանավորվածություն ձեռք բերվեց կազմակերպել նաև ավագ դասարանների աշակերտների փորձի փոխանակում:
Փորձի նման փոխանակումը հնարավորություն կտա մեր աշակերտներին կիրառել անգլերեն լեզվից ունեցած իրենց գիտելիքները լեզվակիր հասակակիցների հետ:
