Տարեցտարի Արեգնազան դիմողների քանակն աճում է, բազմապատկվում։ Ավելի ու ավելի շատ ծնողներ ցանկանում են իրենց երեխաների կրթությունը վստահել մեզ: Անհրաժեշտ տարածքի բացակայության պայմաններում, այնուամենայնիվ, ընդունում ենք մեծ թվով երեխաների, որոնցից շատերը մեր ներկայիս աշակերտների քույրերն ու եղբայրներն են, ինչպես նաև՝ շրջանավարտների երեխաները։ 

Այս պայմաններում մեր դպրոցը դարձել է շատ սեղմված ու նեղ վայր, որի 1981 մ2 տարածքում սովորում է արդեն մոտ 700 աշակերտ: Որպես խնդրի լուծում, դպրոցը ստիպված տարածք է վարձակալում հարակից շենքերում։ 

Ներկայիս իրավիճակն այնպիսին է, որ մեկ երեխային հատկացվող մակերեսը 3,5 մ2 է (ներառյալ դասերի, հանգստի, սպորտի, կոմունալ և այլ տարածքները)։