Ընտրվել է Քասախում «Արեգնազան» կրթահամալիրի նոր մասնաշենքի ճարտարապետական նախագիծը

Ուրախությամբ հայտնում ենք, որ Քասախում «Արեգնազան» կրթահամալիրի նոր մասնաշենքի կառուցման համար ներկայացված ճարտարապետական հինգ նախագծերի առաջարկներից դպրոցը կատարել է իր ընտրությունը։ Մրցույթի հաղթող է ճանաչվել ճարտարապետ, դպրոցի շրջանավարտ և ծնող Գրիգոր Բաբաջանյանի կողմից ներկայացված նախագիծը։ Նախագծի համահեղինակն է ճարտարապետ Հասմիկ Բաբայանը։

Դեռևս 2025թ. աշնանը դպրոցի նոր մասնաշենքի համար հայտարարվել էր ճարտարապետական նախագծային առաջարկի մշակման փակ մրցույթ, որին մասնակցել են հինգ ճարտարապետներ։

Ընտրված նախագիծն ամբողջությամբ համապատասխանում է վերջին տարիներին Հայաստանում որդեգրված դպրոցաշինության պետական նոր չափորոշիչներին, առավելագույնս համապատասխանում է դպրոցի կողմից ներկայացված տեխնիկական առաջադրանքին։ Այն նաև ներառում է հետագա զարգացման առաջարկներ։

Առաջիկա ամիսների ընթացքում նախագիծը կներկայացվի պետական պարզ փորձաքննության, որից հետո արդեն կմեկնարկի շինթույլտվություն ստանալու գործընթացը։

Շնորհակալ ենք մրցույթի բոլոր մասնակիցներին, ովքեր ներկայացրել են հինգ հրաշալի նախագծեր։ Այս առիթով ցանկանում ենք նաև շնորհակալություն հայտնել «Արեգնազան» կրթահամալիրի բոլոր այն բարեկամներին, որոնց ֆինանսական նվիրատվությունների շնորհիվ մենք կարողանում ենք նախաձեռնել մեր դպրոցի համար կարևորագույն նշանակություն ունեցող այս քայլը։

 

Relevant Topics

Զարգացող տեխնոլոգիաները օրեցօր ավելի մեծ տեղ են զբաղեցնում մեր կյանքում՝ փոխելով աշխատելու, սովորելու, ստեղծագործելու և աշխարհը ճանաչելու մեր եղանակները։ Բայց տեխնոլոգիական այս աննախադեպ առաջընթացը մեզ կանգնեցնում է մի էական հարցի առաջ՝ ինչպե՞ս օգտվել նոր հնարավորություններից՝ միաժամանակ պահպանելով մարդու ինքնուրույն մտածելու, դատելու և ստեղծագործելու կարողությունը։ Այս հարցերի շուրջ հոկտեմբերի 17-ին Շանթ

Կարդալ Ավելին

Ի՞նչ է փոխվում, երբ երկու շաբաթով քո տանը հյուրընկալվում է մեկ այլ երկրից եկած հասակակիցդ, իսկ դպրոցում կողքիդ նստում է մեկը, ում առօրյան մինչ այդ բոլորովին այլ է եղել։  Ամեն տարի 11-րդ դասարանցիները փոխադարձ այցելություններով հնարավորություն են ստանում ճանաչելու միմյանց առօրյան՝ ոչ թե հեռվից դիտելով, այլ անմիջապես մասնակցելով դրան։ Այս

Կարդալ Ավելին