7-րդ դասարանների գյուղատնտեսական պրակտիկաներ

Գյուղատնտեղական պրակտիկաները 7-րդ դասարանցիներին առաջին անգամ հնարավորություն են տալիս դպրոցական սովորական միջավայրից դուրս և բնության գրկում միասին ապրել, աշխատել և կիսել առօրյա հոգսերը կիսել։ Հողի, բույսերի և կենդանիների հետ շփումը, ինչպես նաև համատեղ կենցաղի կազմակերպումը՝ միասին աշխատելը, իրար մասին հոգ տանելը, օրերը միասին սկսելն ու ավարտելը, ձևավորում են պատասխանատվություն, ինքնուրույնություն և համայնքային կյանքի առաջին գիտակցված փորձառությունն են։ Այս օրերը կարևոր հիմք են դառնում ավելի բարձր դասարաններում սպասվող խորքային պրակտիկաների համար։

7ա դասարանի պրակտիկան անցավ հունիսի 13-26-ը Շիրակի մարզի Դարիկ գյուղում, իսկ 7բ-ինը՝ մայիսի 25-ից մինչև հունիսի 5-ը Դարանակում։

Փայտամշակումից մինչև հովվություն ու հողագործություն, շինարարությունից մինչև խոհարարություն. սրանք այն բազմազան հմտություններն են, որոնք ձեռք են բերում մեր երեխաները։ Այն փուլում, երբ երեխաների առաջ կամաց-կամաց բացվում են գիտության դռներն իրենց պատճառահետևանքային կապերով, հողագործությունը դառնում է ներդաշնակ կապող օղակ։ Երեխան ոչ միայն սովորում է, թե ինչպես է սերմը դառնում բույս, այլև ինքն իր գործունեությամբ է նպաստում այդ գործընթացին՝ դա վերածելով յուրօրինակ անձնական փորձի։

  

Relevant Topics

Զարգացող տեխնոլոգիաները օրեցօր ավելի մեծ տեղ են զբաղեցնում մեր կյանքում՝ փոխելով աշխատելու, սովորելու, ստեղծագործելու և աշխարհը ճանաչելու մեր եղանակները։ Բայց տեխնոլոգիական այս աննախադեպ առաջընթացը մեզ կանգնեցնում է մի էական հարցի առաջ՝ ինչպե՞ս օգտվել նոր հնարավորություններից՝ միաժամանակ պահպանելով մարդու ինքնուրույն մտածելու, դատելու և ստեղծագործելու կարողությունը։ Այս հարցերի շուրջ հոկտեմբերի 17-ին Շանթ

Կարդալ Ավելին

Ի՞նչ է փոխվում, երբ երկու շաբաթով քո տանը հյուրընկալվում է մեկ այլ երկրից եկած հասակակիցդ, իսկ դպրոցում կողքիդ նստում է մեկը, ում առօրյան մինչ այդ բոլորովին այլ է եղել։  Ամեն տարի 11-րդ դասարանցիները փոխադարձ այցելություններով հնարավորություն են ստանում ճանաչելու միմյանց առօրյան՝ ոչ թե հեռվից դիտելով, այլ անմիջապես մասնակցելով դրան։ Այս

Կարդալ Ավելին