Մարտի 16-ից մինչև մարտի 26-ը մեր դպրոցի 10ա դասարանը գտնվում էր Իտալիայում: Այցը կազմակերպված էր փորձի փոխանակման շրջանակներում, ինչն անչափ կարևոր է այդ տարիքի երեխաների համար՝ մանկավարժական, սոցիալական և մշակութային տեսանկյուններից ելնելով:
Երկշաբաթյա այցի ընթացքում մեր երեխաները ոչ միայն հասցրին այցելել Վենետիկ, Պադուա և Վերոնա քաղաքներ, այլև ունեցան դպրոցական գործունեության համատեղ հագեցած ծրագիր: Նրանք եղան այնպիսի վայրերում, որոնք համատեղում են պատմությունն ու արդիականությունը։
Մեր երեխաները Հայաստան վերադարձան երջանիկ և տպավորված՝ շարունակելու հայ-իտալական համատեղ ծրագիրն այս անգամ արդեն Երևանում:
Մարտի 26-ից մինչև ապրիլի 1-ը Արեգնազանում հաճելի անցուդարձ էր. իտալացի աշակերտներն ու նրանց ուղեկցող ուսուցիչներն այցելում էին դասարաններ, երգում հայերեն ու մեր աշակերտների հետ պարում հայկական պարեր:
Սա հրաշալի հնարավորություն էր՝ համատեղելու ուսումնական գործընթացն ու սոցիալ-մշակութային փորձը:
