«Արեգնազանում» հունիսն ամենասպասված ամիսն ամիս է ոչ միայն այն պատճառով, որ այն ուսումնական տարվա ավարտն է, այլ նաև այն պատճառով, որ ամբողջ տարվա ընթացքում մեր աշակերտներն իրենց ձեռք բերած գիտելիքները գործնականում կիրառելու հնարավորություն են ստանում:
Հունիսի սկզբից մեր 11-րդ դասարանի աշակերտներն իրենց ուսումնա-արտադրական պրակտիկան անցկացրին այնպիսի կազմակերպություններում, ինչպիսիք են՝ «Արևահաց», «Հալեպ», «Կիլիկա» գարեջրի գործարան , ZGST կարի արտադրամաս, «Ալֆա Վետ» անասնաբուժական կլինիկա, «Զեյթունա» ռեստորան։
Միևնույն ժամանակ մեր 12-րդ դասարանի աշակերտները, նախքան սիրելի տպրոցին հրաժեշտ տալը, իրենց վերջին ՝ սոցիալական պրակտիկան անցան այնպիսի կազմակերպություններում, ինչպիսիք են՝ «Հայ մայրեր» բարեգործական ՀԿ, «Հուսո Տուն» բարեգործական կենտրոնշ «Մայրի» բուժական մանկավարժության և սոցիալական թերապիայի կենտրոն ՀԿ, «Շողիկ» առողջ մանկության և հատուկ մանկավարժության կենտրոն և «Ճախրուկ» հատուկ կարիք ունեցող անձանց աջակցող ՀԿ։
Մեր դպրոցն անչափ կարևորում է պրակտիկաների դերը, քանի որ դրանք հնարավորություն են տալիս խորացնելու մարդու կարիքների և հարաբերությունների ըմբռնումն ու ապահովում մարդակենտրոն ուսուցում։
