Այս տարվա փետրվարի 17-ին դպրոցում կրկին ուրախ ու հաճելի իրարանցում էր տիրում. տոնում էինք Բարեկենդանը: Այն մեր դպրոցի սպասված տոներից է, երբ բոլորը՝ մեծ, թե փոքր, ուսուցիչ, թե երեխա, իրենց ձեռքով պատրաստում են իրենց հագուստներն ու դիմակները, կերպարանափոխվում, խաղեր են խաղում, կատակներ անում միմյանց հետ՝ մաղթելով բարի կենդանություն։
Իսկ ավագ դպրոցի աշակերտների և ուսուցիչների համար այս տարի ևս տեղի ունեցավ բարեկենդանի ավանդական դիմակահանդեսը։ Այն մեծագույն սիրով կազմակերպեցին մեր տասներկուերորդ դասարանցիները՝ սիրելի դպրոցին հրաժեշտ տալուց առաջ: Այս տարվա թեման «Փախած հարսանիք»ն էր։ Իսկ փախած հարսնևորներ էին բոլորը՝ հնդիկ երաժիշտները, միջնադարյան ասպետներն ու անտառի փերիները, մուլտֆիլմերի հերոսներն ու անգամ «Մարգարտե ականջօղով աղջիկը»:
